http://www.ali-2.com//articles-action-listarticle.htm قصائد مكتوبة ar-sa Copyright 2010 - ali-2.com Fri, 30 Jul 2010 02:08:24 +0500 Fri, 30 Jul 2010 02:08:24 +0500 قصائد مكتوبة Dimofinf Rss Feed Generator 1440 نجلاء يضيق الصمت من ذكرى حديث الشعر للاطلال ويرسم من قسى وقت الطفوله وجهه المذهول وينشد لو بقى للشعر من هيبــه وفعل رجال تجمل حال من صاغ القصيد ودفتره مبلول يشوف الموت سطراً لو نبت في صفحة الاهوال تخلّده الاماني والامل من باذره مقتول حدّته الاهـ ما يفلت عروقه والعروق حبال مدام انـ الحكي سيف ٍ على عنق الوجع مسلول وانا والشعر في سفن المتاعب بحراً و سردال على حزني ابتدا موسم بكاه ولا هقيت يزول كأن الخد ميدان الجروح اللي مساره طال ودمعاتي تسابق كنها فوقه ركيض زمول تراودني على نبش الهموم وطاري الغربال واذا جيت اتكلم ضاقت الدنيا بعرض وطول احس ان الكلام اللي بصدري شخبطة اطفال بجدران البيوت المهمله من حارس ٍ مشلول وجيت لموكب الفرحه ادور للجروح ظلال لقيت ان الفرح كرسي مواجع من ثلاث رجول أضيق بكل زفره والالم ماينقصه مثقال وانا اتابع مسيرتها والوح للامل واقول يا نجلاء والحزن باب القصيد المحكم الاقفال كسرته يوم مفتاح الفرج زاد القفول قفول ولو ان الامل لو تذكرينه كان كحل وسال وانا مرود عيونك انكسرت ولابقالي حول يـ كم شلتك وانااخفي حسرتي من ضيقة ٍ بالبال يـ كم شقيت ثوبي من \" خطأ طبي \" بلا مسؤول خطأ وادري الخطأ تقرير من فوضى وختم اهمال وواقع من نهاية طفلة ٍ ترُمى الى المجهول فـقّـّدك الموت . ادري اشتاق لك وانتي على هالحال تضمين الاماني ضمة الخل الوفي للغول تحسين بوجودي كل ماصرنا لـ بعّـض عدال انا وانتي ودميّـتك الصغيره والكلام يطووول نسولف بالعيون وكلـ منا ضحكته عـ الفال ونرفض واقع ٍ يمكن يكون لغيرنا معقول مدام ان الخطا عذر البليد وناتج الاهمال فلا ذنب ٍ على الكرسي وسحقاً سيدي المسؤول ..! نجلاء

]]> http://www.ali-2.com//articles-action-show-id-55.htm Wed, 21 Apr 2010 18:29:14 +0500 من يسئل الحّزن ليه النفس مصدوده .......... من ياخذ القلب نزهة شوق لـ بّلادي ماغبت عنها ولكن ارجي العوده .......... غريب عايش بوادي داخل الوادي اشبه فقر بـ ابتسامة طفّل مقصوده .......... يعّلم الناس كيف الجوع متمادي طموحه بـ عين خذلانه من وعوده .......... يصرخ بوجه الزمن ويقولـ له : عادي عليه غنوا بنات الحي انشوده .......... تجمهروا من المـ ها مجمل اولادي لو زف دمعه لـ حزنه عيوا شهوده .......... شيخة نسب ماتليق بكافر ٍ سادي في ذمته عفة ٍ بالؤد مولوده .......... تنفض تراب الشعر من لحية عنادي يا : بنت عيني و جود العشق موجوده .......... ابتركك تاكلين الموت من زادي لو زاد بعض الغياب المر وقيوده .......... ماقل الا دفاي ولذة رقادي بكره تشوفين بردك يلعن جدوده .......... ويّشب صدرك حريق بـ لوعة بعادي لاتفتنين البنات بـ ّنية انشوده .......... اولادي كبار ياخوفي علـ حفادي ..!

]]> http://www.ali-2.com//articles-action-show-id-54.htm Sun, 14 Feb 2010 01:41:50 +0500 من حلمي العام نفس الشعر مكسوره يا هاجس البوح تكفى لا تلوثني لو كانت ارضي على الميعاد ممطوره الجوع فالك ولو فكرت تحرثني شفني وريث الحزن بالصوت والصوره ماعاد يغر الفرح لو مت يارثني مليت زرع الوفا والريح مغروره كل ماسقيت العهد بالغدر ينكثني حاصرت دمعي وشفت النفس مأموره اصد عنها .. تنادي ياعلي : غثني القلب غرفة فضا بالصدر مهجوره فراغها العاطفي يعجز يأثثني يامبعده والالم لو عافني جوره كل ماتصدين همي عنك حدثني عن الاماني وكيف تموت اسطوره تروي ضما الشعر منها ثم تنفثني دنيا اذا جيتها بالخبث مبهوره وان جيتها بالنوايا البيض ماخبثني وريث الاحزان مير الفرّح وشـ دوره دامي عجزت ابتسم منهو بيورثني ؟

]]> http://www.ali-2.com//articles-action-show-id-53.htm Sat, 16 Jan 2010 03:06:03 +0500 يحول الوقت مابين الكلام ورغبة الاقلام مـ هي حالة ملل او قلة اوراق وحبر وهموم ولاهي قلة افكار ووجع دنيا بشكل ٍ عام بـّعض الاحيان احساس البشر من همها معدوم نشوف العمر ساعه من رمل حباتها الايام تزيد وماشعرنا بنقصها وليومنا المحتوم مع الصمت ومشاعر جلدنا للذات صرنا صيام ياليت بصومنا شمنا عن الاجر وجرحنا الصوم وانا احساسي غريب ومضطرب عـ الحال لي كم عام اخاف اقول \"مدري\" والنتيجه امرها محسوم حشى مااقولها الا بقول ان الشعر صمام امان وكلمة الحق بتقال ولو على الحلقوم واذا صار الشعر ميدان حرب وشمرت الاكمام فـ انا اول من فتح صدره قصيد لخنجر ٍ مسموم ملقح فكرتي من دم قلبي وانتجت لي غلام يموت بفلسفة حب الوطن ويعيش رجوى حلوم ولكنه تضايق من كثر مااعيشه بـ احلام اجل يختار لي حلم ٍ على ذوقه نعيشه دوم مدام ان النقاب اللي ستر ساره يدوسه سام جميع احلامنا تشبه بعضها بـ اختلاف السوم تهاوى من شرف طهر وعفاف وعطر الاقدام مثل ماعطر افواه الجراد الجايع اليشموم يـ صغر الارض يـ ضيق السما من دمعها لا هام يـ كثر ذنوب خلق الله من عيون ٍ بكت مظلوم يحس ان الامل زرع ٍ علينا ناكله قدام ولكن الامل كسرة خبز تستكثر المقسوم كتب بعيونهم :هذا الوفا يامعشر الاقزام رسم بجباهنا لوحة : وطن ياعشقي المحموم ترك ايتام لا مامات عنهم مير هم ايتام ولو ان الممات يطهر الشخص بلقب مرحوم يموت ومايخونك ياوطن يامنبع الاسلام يـ اطهر بقعة يختارهالموت لقبور قروم يـ شمس الكون يابسمة نشيد الصبح للاعلام سنابلك الذهب ترقص فخر من بذرها الموسوم لـ عينك صبر ابوي وجل دمع امي ضحى وعسام علـ اول ضحكة ٍ لـ اطفالي السته لـ اخر يوم ولائاً لك مع سمع ٍ وطاع لخيرة الحكام نسوق ارواحنا لا مانهاب ولا علينا لوم وطن كلي حيا وانت الوحيد اليا طلبته قام امانه لاتخلي من نذر نفسه وفا مضيوم

]]> http://www.ali-2.com//articles-action-show-id-52.htm Sun, 15 Nov 2009 01:56:06 +0500 ماتضيق الا وتفرج وشـ بلاك لاتحسسني بكسرة خاطرك لو بموت ومالقيت الا دواك ماشربته .. وانت ِ ادرى بشاعرك صمته اكبر مير من يكتب غلاك وقع بـ دمعه بكلمة \" ناطرك \" في غلاك يعيش مع لذة جفاك مايأس منّك ولكن ذاخرك من سبح هايم وعزّم في سماك و اولك ترجم بوادر اخرك بس لو تدرين ويش الله عطاك كان ماقلتي وشـ اللي دامرك ان ضحكتي اهـ ياحظ اصدقاك وان سكتي يحترق من ناظرك كل صبح بـ طلتك يشحذ رضاك وكل ليل ٍ ينتشي لو ساهرك والقمر من يوم سولفت بحلاك قال انا اشبها وش اللي قاهرك انتي في قلبي ولاهو ذا خطاك الخطا مني وقلبي عاذرك يكفي اني فزت في لحظة صفاك يكفي انه بان مافي خاطرك ويكفي اكثر ان احساسي معاك طفل من صغره يسمى \" شاعرك \"

]]> http://www.ali-2.com//articles-action-show-id-51.htm Mon, 10 Aug 2009 00:59:23 +0700