: : : العذر في خاطري لو كان له رغبه وقيمه ............ كان ما صديت من وقتي وبررت لـ زماني كيف اخون افكاري البيضا معك وانتي حشيمه ............ دام لك في ذمة احلامي فساتين واغاني يا حبيبة حلمي الاشهى وباكورة نعيمه ............ لو رحلتي بي معا غيري فلا زلت بمكاني كان جـيتـيني كذا شوق ٍ لـ نزوات ٍ قديمه ............ ويش عذرك للذي خنتيه لجل انّه يعاني طهـّر رغباتي تنزهني عن الغدر وجحيمه ............ وانتي اجمل من نبت فيني ومال لشخص ثاني اغربي عن وجه نزواتك وخلك مستقيمه ............ ماابي شي ٍ يشوه صورتك لو هو عشاني اعذريني والحيا فيني لبس ثوب الجريمه ............ لـى متى في خاطري اسئل ولـ ادري وش نهاني كنت ملكك ليه فرطتي بملكك والغنيمه ............ ذا السؤال اللي تمنيت اسئله والله هداني : : :

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

السلام عليكم ورحمه الله وبركاته قصيدة جزله ورائعه تمثل الطهر والنقاء صح لسانك وسلمت يمينك

شاعرنا القدير علي البوعينين عودتنا على جديدك المبهر والمبدع جميله هي حروفك وصادق في نزفك وطهرك قلبك من كتب لذلك لامس قلوبنا قبل عيوننا متابعين لك بكل شوق يا مبدع اسمح لي ان اقول كن بخير موفق يااأبو أحمد

ياخي اقسم بالله انك مختلف صح لسانك يا علي جزل وماتجيب الا الجزل