الى مقام سيدي ومولاي خادم الحرمين الشريفين الملك عبدالله بن عبدالعزيز ال سعود بمناسبة عودته بالسلامه من رحلته العلاجيه : : : مال الحزن درب ٍ على عيالك مدام انك بخير .......... يا والدي والضيقه اللي كدرت خلّق الانام تزورني في كل ليله وان غفت عيني عصيّر .......... احسها بنت ٍ تراودني وتحرمني المنام لا شك لوعرق النسا به دم واحساس وضمير .......... مايبعدك عنا ويجعل يتمنا حزن وملام والا النسا من كثر مايدعون لك صار الحرير .......... كرهاً عليهم واصبحوا من لوعة اوجاعك صيام ياسيدي في قولتي ياسيدي شفني كبير .......... وشلون يصغر من تكون انت الولي به والامام انت الذي كل مانطقت اسمه من الفرحه اطير .......... واحس لي جنحان تاخذني الى روس الغمام من كثر حبي لك شكرت الله وسميت الصغير .......... بـ اسمك ويافخر الاسامي بالسلاطين الكرام عبدالله اسمك وانت عبدالله ولكنك امير .......... امير ..! لا .. الا ملك لـ قلوبنا حرب وسلام يا حاجة العاجز و يانور ٍ يشعشع للضرير .......... يا دعوة ام ٍ في صلاة العيد لـ اطفال ٍ يتام والله لو انك تقول الموت قلنالك يصير .......... مانسئلك والموت من اجلك يكون ارقى وسام رمحك وسيفك خنجرك درعك اذا اشتد الصفير .......... حنا وحنا شعبك الوافي ولا فيها كلام وحنا نحدد وش نبي من باب تقرير المصير .......... ولانرتضي مجد ٍ ولا عزه اذا دون السنام لك الولاء والسمع والطاعه على هدي النذير .......... عن جل شعبك يا حبيب الشعب يالشهم الهمام انت المليك اللي يقود المؤمنين لكل خير .......... سلامتك وبصوتك واحد مالنا غيرك امام

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

صح لسآنك , آلقصيده آعجبتني لدرجه آني قدمتهآ في حفل بمركز صيفي بشرقيه مع ذكر آلحقوق لششآعر علي آلبوعينين بآلتوفيق وتحيآتي

. . الله الله الله أي روعة تلك التي تعانقنا بها ياعلي قصيدة تنزف حباً وولاء وطاعة حفظ الله لنا مليكنا وحفظك الله ياشاعرنا المبدع اتحفنابروائعكـ .. اختك ريما عبدالرحمن