يدق الباب ضيف ٍ ماعرف معنى لـ كبر الباب
تخونه نظرته والا تناسا كثرة اّعتابي

يجوز ان العشم اكبر ولكن للعشم اسباب
غلا .. مدري امل والا جميل ٍ دنّس ثيابي

حبيبي . واّن سجد قلبي خشوع وخانه المحراب
فلا ذنب ٍ عليك الا الخطا كله من اسبابي

ولو انـ الخطا ذنب ٍ غـفـّره الله بدون اّحساب
فـ نا عبد ٍ ضعيف وماقدرت اغفر لـ نوابي

احبك مثـّل دمعة عاصي ٍ حس بـ خطاه وتاب
احبك كـثـّر طيب ٍ خصني من دم شيّابي

احبك ليتني للموت من قـبّـل اعشقك وانساب
قصايد عشق غنوها هلي وانهارت اعصابي

تفاصيلك ترجعني سنين ٍ سردها جذاب
يـ اول حب واخر من عشقت اّبـ فهرس كتابي

عطورك .. صورتك .. خطك هدايا كلهم اغراب
ابجمعهم الين يموت من غربـّتك دولابي

تقول ان المحبه لذة ٍ يهنا بها الاحباب
تعال وشوف حبك ويش سوابك وسوابي

تهنيت بـ حياتك لا شقى لا ضيق هم اّعتاب
وانا همي وضيقي والعتب كله تهنابي

منين تروح وجـّه ضحكتك لاتهاب لاترتاب
انا ( استاذ الحزن) والوردتين البيض طلابي

يقولون الخيانه والغدر من شيمة الكذاب
وانا اقول الخيانه واالغدر من اقرب احبابي
[SOUND]http://www.shy22.com/upfiles/mSe88986.swf[/SOUND]