يايمه .. والزمان اللي خذاني عنك يا طوله كـئيب ووحشتي لدفاك تقتل باقي أيامي يايمه .. والخطاوي بالرجاء والياس مكبوله اذا منتي غفرتي زلتي أصدرتي اعدامي يايمه .. قد سقيتينا مبادي العز واصوله وعلمتي .. وكبرتي .. وصنتي لوحة احلامي يايمه .. والقوافي كلها ( مثنى ومدبوله ) علـ اسمك وانتي اصل العاطفه في صادق الهامي يايمه .. والخطا فيني يموت ويعلن ذبوله ورق كل الزهور بصدتك .. ينهان قدامي يايمه.. ذكررتني طفلة ٍ شقراء ومجموله بعد ماتاهت بوسط الزحام تصيح يا ( مامي ) تذكرتك يا يمه .. بعدها واهتزت الدوله على صرخه .. بعد ذكرى مطرك بـ ولولة ضامي يايمه .. ذا ظناك اااانا .. فديتك ليه وش هوله؟ تغربت وشقيت ولا شكيت الا .. علـ اقلامي يايمه .. وحشتك وحشه بقلب ٍ دقت طبوله رفع فيها عظامي مابقى من صامل اعلامي يايمه .. اطلبي روحي فداك العمر وحموله فداك الضحكه اللي بعدكم استكثرت عامي كساني الوقت يايمه .. لباس الحزن وغلوله وصارت دنيتي بالحزن مزوادي وهندامي يايمه .. مايعوضك بالبشر هند ٍ ولا خوله ابوس تراب رجلك لو كبرت ارجع لك غلامي يايمه .. ماذبحني بالزمان وصكت قفوله ولا مرمر حياتي واختلف نبضي بصمامي سوى اني غبت ماقبّلت رجلك واسفل نعوله ولا ضميت في صدري ثرى ماطاك ياامامي

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

يعطيك ربي الف عافيه اخووي عل على القصيده الجميله والله يسهل دربك بأذن الله الاحد

بس حبيت أسأل متى راح يفتح المنتدى ؟




اخووكم:عبدالله البوعينين التميمي

الله ياعلي مازلت كما انت ورب البيت لاترويني قراءة نصوصك بل ازداد ظمأ كلما قرأت لك " حرف " ..!

آلله يخلي لنآ آمهآتنآ وآمهآت آلمسلمين ويطول َبـ آعمآرهم ويرحم من مآت منهم , قصيده مؤثره صح لسآنك وآلى آلآمآم