كل ماشربتك اشعر اني ظامي

وكل ماظميتك اشتعل حنيه


ياويل قلبي من هشاش عظامي

وياويل عيني من فراق بنيه


من علّم اوراقي تحب اقلامي

ومن علّم الكلمه تجي عفويه


ومن علّم الفرحه تعاف ايامي

ومن علم احزاني تعيش هنيه



غير انت ياللي حبكم الزامي

مفروض فرض وصيغته وديه


اموت فيك .. وشرهتي قدامي

وازعل عليك وزعلتي كذبيه


ولو جيت اراضي نفسي بـ أوهامي

فجرت قلبي بقنبله شعريه


انـ كان ارهابي دليل اسلامي

بموت فيك وبلعن البوذيه


من محزم الغامي الى كمامي

وكل شعرة ٍ فيني تبيك شويه


انـ قلت احبك .. جهزوا اعدامي

وانـ قلت اعافك كذبة ٍ ورديه


وانـ قلت ابنسى تذكرك احلامي

وان قلت ابرحل رحلة ٍ جويه


وشلون ابنسى عشقي \"الدمامي\"

وانا اموت بـ ريحة الشرقيه ..!!